ప్రత్యేక రాష్ట్రంలో.. ప్రభుత్వం రైతుల సంక్షేమం కోసం అనేక పథకాలను తీసుకొచ్చిందని ఎమ్మెల్యే రాములు నాయక్ పేర్కొన్నారు. రాష్ట్రంలో ఈ సంవత్సరం కోటి 30 లక్షల మెట్రిక్ టన్నుల ధాన్యం ఉత్పత్తి జరిగిందని వివరించారు. ఖమ్మం జిల్లా కారేపల్లి మండలం విశ్వనాథ పల్లిలో ఏర్పాటైన ధాన్యం కొనుగోలు ప్రారంభోత్సవానికి ఆయన హాజరయ్యారు.
ధాన్యం కొనుగోలు కేంద్రాన్ని ప్రారంభించిన ఎమ్మెల్యే - వైరా ఎమ్మెల్యే
ఖమ్మం జిల్లా కారేపల్లి మండలంలో ఎమ్మెల్యే రాములు నాయక్ పర్యటించారు. విశ్వనాథ పల్లి గ్రామంలో ఏర్పాటైన ధాన్యం కొనుగోలు కేంద్రాన్ని ఆయన ప్రారంభించారు.
Mla ramulu naik
కొనుగోలు కేంద్రాల వద్ద రైతులు ఎలాంటి ఇబ్బందులు పడకుండా చూడాలని అధికారులను ఆదేశించారు ఎమ్మెల్యే. రైతులంతా కొవిడ్ నిబంధనలు పాటిస్తూ కొనుగోలు కేంద్రాలకు రావాలని సూచించారు. ఈ కార్యక్రమంలో డీసీసీబీ ఛైర్మన్ కూరాకుల నాగభూషణం, ప్రజాప్రతినిధులు, తదితరులు పాల్గొన్నారు.