మధిరలో రైతు వేదికలకు మంత్రి పువ్వాడ శంకుస్థాపన

ఖమ్మం జిల్లా మధిర నియోజకవర్గంలో పర్యటించిన రవాణాశాఖ మంత్రి పువ్వాడ అజయ్​కుమార్​ బోనకల్లు, చింతకాని మండలాల్లో రైతు వేదిక భవనాల నిర్మాణానికి శంకుస్థాపన చేశారు. రైతు వేదికల నిర్మాణం.. నూతన అధ్యాయానికి శ్రీకారం చుట్టిందని మంత్రి తెలిపారు.

ఖమ్మం జిల్లా మధిర నియోజకవర్గంలో రాష్ట్ర రవాణాశాఖ మంత్రి పువ్వాడ అజయ్​కుమార్​ పర్యటించారు. బోనకల్లు, చింతకాని మండలాల్లో రైతు వేదిక భవనాల నిర్మాణానికి ఆయన శంకుస్థాపన చేశారు. కార్యక్రమంలో జడ్పీ ఛైర్మన్​ లింగాల కమల్​రాజు, కలెక్టర్​ ఆర్వీ కర్ణన్​ రాష్ట్ర విత్తనాభివృద్ధి సంస్థ ఛైర్మన్, తదితరులు పాల్గొన్నారు.

తెరాస ప్రభుత్వం రైతుల సంక్షేమానికి పెద్దపీట వేస్తోందని.. రైతు వేదికల నిర్మాణంతో అన్నదాతలకు కొత్త అధ్యాయం ప్రారంభం కాబోతోందని మంత్రి పువ్వాడ తెలిపారు. అన్నదాతను ఆర్థికంగా పరిపుష్టం చేసేందుకు సీఎం కేసీఆర్​ రైతు వేదికలకు సంకల్పించామన్నారు.

ఇదీ చదవండి:ఆడుకున్న ఇంటిని కూల్చేశారు.. ఆడించిన నాన్నను చంపేశారు!