ఉమ్మడి ఖమ్మం జిల్లా అభివృద్ధిపై మంత్రి పువ్వాడ సమీక్ష
రాష్ట్రమంత్రిగా బాధ్యతలు చేపట్టిన తర్వాత తొలిసారి ఉమ్మడి ఖమ్మం జిల్లాలో అమలవుతున్న అభివృద్ధి, సంక్షేమ కార్యక్రమాలపై రవాణా శాఖ మంత్రి పువ్వాడ అజయ్కుమార్ సమీక్షించారు. జిల్లాకు ముఖ్యమంత్రి కేసీఆర్ ఇచ్చిన హామీలు, వాటి పురోగతిని అధికారులను అడిగి తెలుసుకున్నారు. రెండు పడక గదుల ఇళ్ల నిర్మాణాలు త్వరితగతిన పూర్తి చేసి.. లబ్ధిదారులకు అప్పగించాలని ఆదేశించారు. వర్షాలకు దెబ్బతిన్న రహదారుల మరమ్మతులు చేపట్టాలని సూచించారు. కలెక్టరేట్లో నిర్వహించిన ఈ సమావేశానికి కలెక్టర్ ఆర్.వి.కర్ణన్, ఎమ్మెల్యేలు సండ్ర వెంకటవీరయ్య, రాములు నాయక్, హరిప్రియ నాయక్, ఇతర అధికారులు పాల్గొన్నారు.