ఖమ్మం ఐటీహబ్​ రెండోదశపై కేటీఆర్​తో పువ్వాడ భేటీ

ఖమ్మంలో మూడు రోజుల క్రితం ప్రారంభించిన ఐటీహబ్​కు మంచి స్పందన వచ్చింది. దీనికి సంబంధించి రెండో దశ నిర్మాణాన్ని చేపట్టాలని మంత్రి పువ్వాడ అజయ్ కుమార్... ఐటీశాఖ మంత్రి కేటీఆర్​ను కలిసి విజ్ఞప్తి చేశారు.

ఖమ్మంలో ప్రారంభించిన ఐటీహబ్​ రెండోదశ నిర్మాణం చేపట్టాలని మంత్రి పువ్వాడ అజయ్​కుమార్​... మంత్రి కేటీఆర్​ను కోరారు. ప్రగతిభవన్​లో కేటీఆర్​ను కలిసిన మంత్రి పువ్వాడ అజయ్​ ఈ మేరకు విజ్ఞప్తి చేశారు. ఖమ్మం ఐటీ హబ్​లో 430 సీట్లు ఉండగా... ఇప్పటికే వచ్చిన 14 కంపెనీల అవసరాల కోసం 470 సీట్లు అవసరం. అయితే అదనంగా మరో పది కంపెనీలు కూడా ఆసక్తి చూపుతున్నాయని... అందువల్ల రెండో దశ నిర్మాణాన్ని చేపట్టాలని పువ్వాడ అజయ్ కోరారు.

ప్రస్తుత ఐటీ టవర్ ఉన్న ప్రాంతంలోనే మరొకటి నిర్మించేందుకు అనుమతులు మంజూరు చేయాలని విజ్ఞప్తి చేశారు. మంత్రి పువ్వాడ అజయ్ ప్రతిపాదనపై కేటీఆర్ సానుకూలంగా స్పందించారు. ఈ మేరకు మంత్రి కేటీఆర్​కు పువ్వాడ కృతజ్ఞతలు తెలిపారు.

ఇదీ చూడండి:'సిద్దిపేట లేకపోతే కేసీఆర్​ లేడు.. కేసీఆర్​ లేకపోతే తెలంగాణ లేదు'