ఉనికిని కాపాడుకునేందుకు మావోయిస్టుల చర్యలు

మావోయిస్టులు తమ ఉనికిని కాపాడుకునేందుకు అనేక కార్యకలాపాలు సాగిస్తున్నారు. తాజాగా తెలంగాణ-ఛత్తీస్​గఢ్​ సరిహద్దు అటవీ ప్రాంతంలో రహదారి పనులను అడ్డుకునేందుకు ప్రయత్నించారు. బీజాపూర్​ జిల్లాలో ఉసురు నుంచి పూజారి కాంకేర్​ వరకు వేస్తున్న రహదారి పనులు నిలిపి వేసేలా కందకాలు తవ్వారు.

తెలంగాణ-ఛత్తీస్​గఢ్​ సరిహద్దు అటవీ ప్రాంతంలో మావోయిస్టులు వారి ఉనికిని కాపాడుకునేందుకు అనేక కార్యకలాపాలను సాగిస్తున్నారు. ఈ క్రమంలో ఛత్తీస్​గఢ్​లోని మారుమూల ప్రాంతాల్లో నిర్మిస్తున్న రహదారుల పనులను అడ్డుకుంటున్నారు.

ఛత్తీస్​గఢ్​ బీజాపూర్ జిల్లాలోని ఉసురు నుంచి పూజారి కాంకేర్ వరకు వేస్తున్న రహదారి పనులు నిలిపి వేయాలని ఉరుసు వద్ద రోడ్లపై మావోయిస్టులు కందకాలు తవ్వారు. మారుమూల అటవీ ప్రాంతాల్లో రహదారులు నిర్మిస్తే మావోయిస్టుల ఉనికికి ఆటంకం కలుగుతుందని భావించి ఈ చర్యకు పాల్పడ్డారని స్థానికులు చెప్పుకుంటున్నారు.

ఇదీ చదవండి:మావోయిస్టులూ.. ఆయుధాలు వదిలి లొంగిపోండి