పురుగుల మందు సీసాతో సెల్​టవర్​ ఎక్కిన వ్యక్తి

భార్య కాపురానికి రావడం లేదనే కోపంతో ఖమ్మంలో ఓ వ్యక్తి సెల్​టవర్​ ఎక్కి హల్​చల్​ చేశాడు. గ్రామస్థుల సాయంతో అతన్ని కిందకు దించిన పోలీసులు స్టేషన్​కు తరలించారు.

ఖమ్మం జిల్లా తిరుమలాయపాలెం మండలం కొక్కిరేణిలో ఓ వ్యక్తి సెల్​ టవర్​ ఎక్కాడు. తన భార్య కాపురానికి రావడం లేదంటూ పురుగుల మందు డబ్బాతో హల్​చల్​ చేశాడు. గ్రామస్థులు నచ్చజెప్పేందుకు యత్నించి విఫలయత్నం చేశారు. ఘటనా స్థలానికి చేరుకున్న పోలీసులు బాధితున్ని కిందకు దించి పోలీస్ స్టేషన్​కు తరలించారు.

రాజన్న సిరిసిల్ల జిల్లా తంగేనపల్లి మండలం నేరాళ్లకు చెందిన రాజు ఖమ్మంలో హోటల్​ నిర్వహిస్తున్నాడు. ఖమ్మం జిల్లా కొక్కరేణికి చెందిన ఉమతో వివాహం జరిగింది. గత కొంతకాలంగా భార్యాభర్తల మధ్య మనస్పర్థలు రావడం వల్ల ఆమె పుట్టింటికి వెళ్లిపోయింది.

ఇవీచూడండి:ఆ కానిస్టేబుల్ సస్పెన్షన్​కు హోంమంత్రి ఆదేశాలు