KTR About NTR in Khammam Tour : 'మాకు రాముడైనా.. కృష్ణుడైనా ఎన్టీఆరే.. తారకరాముడు.. ఆ పేరులోనే పవర్ ఉంది'

KTR About NTR in Khammam Tour : తారక రామారావు పేరులోనే ఏదో తెలియని పవర్​ ఉందని మంత్రి కేటీఆర్​ అన్నారు. ఖమ్మం జిల్లాలో పర్యటన సందర్భంగా.. లకారం ట్యాంక్​బండ్​పై ఎన్టీఆర్​ పార్కును ప్రారంభించారు. తనకు తారక రామారావు అనే పేరు ఉండటం చాలా ఆనందంగా ఉందన్నారు.

KTR About NTR in Khammam Tour : తారక రామారావు(NTR) పేరులోనే ఏదో తెలియని పవర్‌ ఉందని బీఆర్​ఎస్​ కార్యనిర్వాహక అధ్యక్షుడు, మంత్రి కేటీఆర్‌ అన్నారు. ఖమ్మం పర్యటనలో భాగంగా.. లకారం ట్యాంక్‌బండ్‌పై ఎన్టీఆర్​ పార్కు(NTR Park Open)ను ఆయన లాంఛనంగా ప్రారంభించారు. లకారం సమీపంలో ఎన్టీఆర్​ విగ్రహన్ని ఆయన ఆవిష్కరించారు. తనకు తారక రామారావు అనే పేరు ఉండటం చాలా ఆనందంగా ఉందని మంత్రి అన్నారు.

KTR Unveils NTR Statue in Khammam : చరిత్రలో మహనీయుల స్థానం ఎప్పటికీ చిరస్మరణీయంగా ఉంటుందని కేటీఆర్ పునరుద్ఘాటించారు. ప్రపంచవ్యాప్తంగా ఉన్న తెలుగువారికి ఎన్టీఆర్​ ఆరాధ్య దైవమని అన్నారు. ఎన్టీఆర్​ శిష్యుడిగా కేసీఆర్.. తెలంగాణ అస్తిత్వాన్ని దేశవ్యాప్తంగా చాటి చెప్పారని చెప్పారు. కేసీఆర్‌ హ్యాట్రిక్‌ సీఎంఅయితే రామారావు ఆత్మ కూడా శాంతిస్తుందని కేటీఆర్ వ్యాఖ్యానించారు.

Minister KTR Khammam Tour :ఉమ్మడి ఖమ్మం జిల్లాలో అభివృద్ధి పనులకు మంత్రి కేటీఆర్​ ప్రారంభోత్సవాలు, శంకుస్థాపనలు చేస్తున్నారు. ఆయనతో వెంట సహచర మంత్రులు పువ్వాడ అజయ్​కుమార్​, ప్రశాంత్​రెడ్డిలు ఉన్నారు. ఈ క్రమంలో కొణిజర్ల మండలం గుబ్బగుర్తిలో ఆయిల్‌పామ్ ఫ్యాక్టరీకి శంకుస్థాపన చేశారు. రూ.250 కోట్లతో గోద్రెజ్ సంస్థ సహకారంతో ఆయిల్ ఫామ్ ఫ్యాక్టరీ నిర్మిస్తున్నారు. లకారం ట్యాంక్‌బండ్‌పై ఎన్టీఆర్ పార్కును కేటీఆర్ ప్రారంభించారు.

అనంతరం అమృత్​-2లో భాగంగా రూ.260 కోట్ల రూపాయలతో లకారం అండర్ గ్రౌండ్ డ్రైనేజీ పనులకు శంకుస్థాపన చేశారు. 20వ డివిజన్​లో పుట్​బాల్​ టర్ఫ్​ కోర్టును లాంఛనంగా ప్రారంభించారు. మొత్తం రూ.1,618 కోట్ల విలువైన పనులకు కేటీఆర్‌ ఇవాళ శంకుస్థాపన, ప్రారంభోత్సవాలు చేస్తున్నారు. ఆ తర్వాత ఖమ్మం, సత్తుపల్లిలో జరిగే బహిరంగ సభల్లో పాల్గొననున్నారు.

KTR Paricipate BRS Public Meeting in Khammam : ఖమ్మం, భద్రాద్రి కొత్తగూడెం జిల్లాలోని వైరా, ఖమ్మం, భద్రాచలం, సత్తుపల్లి నియోజకవర్గాల్లో పర్యటిస్తున్న మంత్రి కేటీఆర్​.. ఉదయం హైదరాబాద్​ నుంచి ప్రత్యేక హెలికాప్టర్​లో సహచర మంత్రి వేముల ప్రశాంత్​ రెడ్డితో కలిసి కొణిజర్ల మండలం గుబ్బగుర్తి చేరుకున్నారు. మంత్రి పువ్వాడ అజయ్​ కుమార్​, ఎంపీలు నామా నాగేశ్వరరావు, వద్దిరాజు రవిచంద్ర ఇతర ప్రజాప్రతినిధులు.. కేటీఆర్​కు ఘనస్వాగతం తెలిపారు.

అక్కడి నుంచి గుబ్బగుర్తిలోని ఆయిల్​పామ్​ ఫ్యాక్టరీని తొలుత ప్రారంభించారు. తర్వాత గోళ్లపాడు ఛానెల్​ ఆధునీకరణ పనులను ప్రారంభించనున్నారు. అలాగే జయశంకర్​ పార్కు వద్ద రూ.106 కోట్లతో అభివృద్ధి చేసిన 10 పార్కులను లాంఛనంగా ప్రారంభించనున్నారు. మున్నేరు రివర్​ ఫ్రంట్​ ప్రాజెక్టుకు రూ.690 కోట్ల నిధులతో ఇరువైపులా రక్షణ గోడలను నిర్మించే పనులకు శంకుస్థాపన చేయనున్నారు. మున్నేరు బ్రిడ్జిపై రూ.180 కోట్లతో నిర్మించనున్న కేబుల్​ బ్రిడ్జికు శంకుస్థాపనను మంత్రి కేటీఆర్​ చేయనున్నారు.