కలెక్టర్​ను కలిసిన బిహార్​ వలస కూలీలు

స్వస్థలాలకు పంపాలని కోరుతూ బిహార్​కు చెందిన వలస కూలీలు ఖమ్మం జిల్లా కలెక్టర్​ను కలిశారు. ఉపాధి, రవాణా లేక ఇబ్బంది పడుతున్నామని కలెక్టర్​ను తమ బాధ చెప్పుకొన్నారు.

ఖమ్మం జిల్లాకేంద్రంలోని పారిశ్రామిక ప్రాంతంలో గ్రానైట్​ పరిశ్రమలో పనిచేసే బిహార్​కు చెందిన 50 మంది వలస కూలీలు ఖమ్మం కలెక్టరేట్​కు నడుచుకుంటూ వచ్చారు. ఉపాధి లేక.. తినడానికి తిండి లేక ఇబ్బందులు పడుతున్నామని, తమను స్వస్థలాలకు పంపమని కలెక్టర్​కు తమ బాధను విన్నవించుకున్నారు. వెంటనే స్పందించిన కలెక్టర్​ వారిని స్వస్థలాలకు పంపేందుకు కావాల్సిన ఏర్పాట్లు చేయాలని స్థానిక తహశీల్దార్​కు ఆదేశాలు జారీ చేశారు.

ఇదీ చదవండి:శానిటైజర్ పరిశ్రమలో భారీ అగ్ని ప్రమాదం