Chilli crop in Khammam: మిర్చిలో చీడపీడల నివారణ మార్గాలు

Chilli crop in Khammam: రాష్ట్రంలో మిర్చి సాగుచేస్తున్న అన్నదాతలకు ప్రస్తుతం మరో కొత్త కష్టమొచ్చిపడింది. దిగుబడి వస్తున్న సమయంలో తెగులు సోకిన మిరప పైర్లను చూసి బోరుమంటున్నారు. ప్రధానంగా ఖమ్మం జిల్లాలో వందల ఎకరాల్లో మిర్చి పంట తెగుళ్ల బారిన పడింది.

Chilli crop in Khammam: మిర్చి తోటలపై పడగవిప్పిన తామర పురుగు ఉద్ధృతి పంటల్ని పీల్చిపిప్పి చేస్తోంది. ఆశల పంట కళ్లముందే ఆవిరవుతుంటే చూసి తల్లడిల్లుతున్న అన్నదాతలు.. ఆ పంటను కాపాడుకునేందుకు సర్వశక్తులొడ్డుతున్నారు. పంటపై ఆశలు కోల్పోయి తోటలు పీకేస్తున్న వారు కొందరైతే... కాపాడుకునేందుకు వేలు ధారపోసి పురుగుమందులు పిచికారీ చేస్తున్నవారు ఇంకొందరు.. ఈ సమయంలో పంటను కాపాడుకునేందుకు తీసుకోవాల్సిన చర్యలపై వైరా కృషి విజ్ఞాన కేంద్రం శాస్త్రవేత్త హేమంత్​ కుమార్​తో ఈటీవీ భారత్​ ముఖాముఖి..