జిల్లావ్యాప్తంగా క్షేత్ర సహాయకుల నిరవధిక సమ్మె

ఖమ్మం జిల్లా పెనుబల్లి, సత్తుపల్లి మండల పరిషత్​ కార్యాలయ ఆవరణలో ఉపాధి హామీ కోసం పనిచేస్తున్న క్షేత్ర సహాయకులు నిరవధిక సమ్మె చేపట్టగా పలువురు వారికి సంఘీభావం తెలిపారు.

తమ సమస్యలు పరిష్కరించాలని కోరుతూ ఖమ్మం జిల్లా పెనుబల్లి, సత్తుపల్లి మండల పరిషత్​ కార్యాలయ ఆవరణలో ఉపాధి హామీ కోసం పనిచేస్తున్న క్షేత్ర సహాయకులు నిరవధిక సమ్మె చేపట్టారు. సమ్మెకు వ్యవసాయ కార్మిక సంఘం రాష్ట్ర నాయకులు, జిల్లా ఉపాధ్యక్షుడు, ఏఐటీయూసీ జిల్లా సహాయ కార్యదర్శి సంఘీభావం తెలిపారు.

ఫీల్డ్​ అసిస్టెంట్లకు కనీస వేతన చట్టం ప్రకారం రూ. 21,000 వేతనం ఇవ్వాలని, వారికి ఉద్యోగ భద్రత కల్పించాలని డిమాండ్ చేశారు. ప్రభుత్వం వెంటనే స్పందించి.. తమ సమస్యలు పరిష్కరించకపోతే ఆందోళనలను తీవ్రతరం చేస్తామని హెచ్చరించారు.

ఇదీ చూడండి:కరోనా నుంచి పిల్లల్ని ఇలా.. రక్షించుకుందాం!