ఖమ్మం జిల్లాలోని సత్తుపల్లి అభివృద్ధికి అహర్నిశలు కష్టపడుతున్న ఎమ్మెల్యే సండ్ర వెంకటవీరయ్యను చూసి మున్సిపాలిటీ ఎన్నికల్లో 23 వార్డులకు గాను 23 వార్డులు గెలిపించాలని ఖమ్మం ఎంపీ నామ నాగేశ్వరరావు అన్నారు. ఖమ్మం జిల్లా సత్తుపల్లి మున్సిపాలిటీలో ఎన్నికల ప్రచారంలో భాగంగా శనివారం పలు కుల సంఘాలతో నామ, ఎమ్మెల్యే సండ్ర వెంకటవీరయ్య సమావేశమయ్యారు.
తెలంగాణ రాష్ట్రంలో ప్రవేశపెట్టిన పథకాలను చూసి దేశంలోని మిగతా రాష్ట్రాల వారు ప్రవేశ పెడుతున్నారని తెలిపారు. ఇతర పార్టీల వారు వచ్చి చెప్పే మోసపు మాటలు నమ్మవద్దన్నారు. సత్తుపల్లిని అభివృద్ధి పదంలో నడిపేది ఒక తెరాస పార్టీ అని గమనించి ఓటు వేయాలని నామ తెలిపారు.