"అభివృద్ధి కోసమే పార్టీ మారుతున్నా"

అనుచరులు, కార్యకర్తలతో ఖమ్మం జిల్లా సత్తుపల్లి ఎమ్మెల్యే సండ్ర వెంకటవీరయ్య సమావేశమయ్యారు. జిల్లా అభివృద్ధి కోసమే పార్టీ మారుతున్నట్లు స్పష్టం చేశారు.

ఖమ్మం జిల్లా అభివృద్ధి కోసమే తెరాసలో చేరాలని నిర్ణయించుకున్నట్లు సత్తుపల్లి తెదేపా ఎమ్మెల్యే సండ్ర వెంకటవీరయ్య వెల్లడించారు. జిల్లాలో తెరాసను బలపరచాల్సిన అవసరం ఉందని స్పష్టం చేశారు. పట్టణంలోని ఓ ఫంక్షన్​హాల్లో అనుచరులు, కార్యకర్తలతో సమావేశం ఏర్పాటు చేశారు. పాలేరు, వైరా, మధిర, సత్తుపల్లి నియోజకవర్గాలకు చెందిన పలువులు తెదేపా నేతలు హాజరయ్యారు. అధికార పార్టీలో ఎందుకు చేరాల్సి వస్తుందో అనుచరులకు సండ్ర తెలియజేశారు.

తెరాస విజయానికి పనిచేయండి

లోక్​సభ ఎన్నికల్లో తెరాస అభ్యర్థి విజయానికి అందరూ పనిచేయాలని కార్యకర్తలకు సూచించారు. సమావేశానికి హాజరైన ముఖ్యనాయకులు, కార్యకర్తలు సండ్రతోనే ఉంటామని తెలిపారు.

ఇవీ చూడండి:ఒకరిది ఆరాటం.. మరొకరిది పోరాటం..