'రైతులకు మద్దతుగా 28న ఖమ్మంలో భారీ ప్రదర్శన'

నూతన వ్యవసాయం చట్టాల రద్దుకై దిల్లీలో పోరాడుతున్న రైతులకు కాంగ్రెస్​ మద్దతుగా నిలుస్తుందని ఖమ్మం డీసీసీ అధ్యక్షుడు దుర్గాప్రసాద్ అన్నారు. పట్టణంలో ఈనెల 28న చేపట్టిన మార్చ్​ఫ్లాగ్​ కార్యక్రమంలో ప్రతిఒక్కరు పాల్గొనాలని పిలుపునిచ్చారు.

రైతుల పక్షాన పోరాడేందుకు కాంగ్రెస్ ఎప్పుడు ముందంజలో ఉంటుందని ఖమ్మం డీసీసీ అధ్యక్షుడు దుర్గాప్రసాద్​ పేర్కొన్నారు. వ్యవసాయ చట్టాల రద్దుకై దిల్లీలో ఆందోళనలు చేస్తున్న అన్నదాతలకు మద్దతుగా భారీ ప్రదర్శనలు చేపడుతామని తెలిపారు.

కర్షకుల దీక్షకు మద్దతుగా ఈనెల 28న పట్టణంలో పెవిలియన్​ మైదానం నుంచి ధర్నాచౌక్​ వరకు భారీఎత్తున మార్చ్​ఫ్లాగ్​ కార్యక్రమాన్ని నిర్వహిస్తున్నట్లు ఆయన వెల్లడించారు. రైతులకు మద్దతుగా నిలిచే ప్రతిఒక్కరూ పాల్గొనవచ్చన్నారు. జాతీయ జెండాలను ప్రదర్శించి రైతులకు సంఘీభావం ప్రకటిస్తామని స్పష్టం చేశారు.

ఇదీ చూడండి:'కేంద్ర నిధులతో రాష్ట్ర పథకాలు అమలు చేయమంటే ఎలా'