రామలింగేశ్వరుడి కల్యాణంలో భట్టి దంపతులు

ఖమ్మం జిల్లా వైరాలో స్నానాల లక్ష్మిపురం శ్రీ రామలింగేశ్వర స్వామి కల్యాణం మహోత్సవంలో సీఎల్పీ నేత భట్టి విక్రమార్క దంపతులు పాల్గొన్నారు.

ఖమ్మం జిల్లా వైరా నియోజకవర్గంలో శివరాత్రి పర్వదినాన్ని పురస్కరించుకుని శివాలయాల్లో పూజలు, అభిషేకాలు నిర్వహించారు. జాగారం నిర్వహించం కోసం భక్తులు పెద్ద సంఖ్యలో ఆలయాల వద్దకు చేరుకున్నారు. ప్రముఖ శైవక్షేత్రం స్నానాల లక్ష్మిపురం శ్రీ రామలింగేశ్వర స్వామి కల్యాణ మహోత్సవం వైభవంగా సాగింది.

సీఎల్పీ నేత భట్టి విక్రమార్క దంపతులు స్వామి వారి కల్యాణంలో పాల్గొని ప్రత్యేక పూజలు చేశారు. ఏన్కూరు శ్రీ కాశీ విశ్వేశ్వర ఆలయం, కొనిజర్ల, జూలూరుపాడు, కారేపల్లి మండలంలోని శివాలయాలకు భక్తులు పోటెత్తారు. ఆలయ పరిసర ప్రాంతాలు శివనామస్మరణతో మారుమోగాయి.

ఇదీ చూడండి :శివరాత్రి సందర్భంగా లక్ష్మీ పంపుహౌస్‌ 11 మోటర్లు ప్రారంభం