ఖమ్మంలో అంతరరాష్ట్ర దొంగ అరెస్టు

అంతరరాష్ట్ర దొంగను ఖమ్మం జిల్లా తల్లాడ పీఎస్​ పరిధిలో పోలీసులు అరెస్టు చేశారు. సత్తుపల్లి కిష్టారానికి చెందిన మంగయ్య నుంచి 7 లక్షల 22 వేల సొత్తును స్వాధీనం చేసుకున్నారు. నిందితుడు విశాఖపట్నం, పశ్చిమగోదావరి జిల్లాల్లో కూడా చోరీ చేసినట్లు వైరా ఏసీపీ ప్రసన్న కుమార్​ తెలిపారు.

ఖమ్మం జిల్లా తల్లాడ పోలీస్ స్టేషన్ పరిధిలో అంతరరాష్ట్ర దొంగను పోలీసులు అరెస్టు చేశారు. మండలంలో జరిగిన దొంగతనాలపై విచారణ చేపట్టి.. సత్తుపల్లి మండలం కిష్టారానికి చెందిన మంగయ్యను అదుపులోకి తీసుకున్నారు. అతడి వద్ద నుంచి 7 లక్షల 22 వేల సొత్తును పోలీసులు స్వాధీనం చేసుకున్నారు. వీటిలో 193 గ్రాముల బంగారం, 406 గ్రాముల వెండి, లక్షా 50 వేల నగదు, రెండు ద్విచక్ర వాహనాలు, రెండు సెల్​ఫోన్​లు ఉన్నట్టు వైరా ఏసీపీ ప్రసన్న కుమార్ తెలిపారు. నిందితుడు ఖమ్మం జిల్లాతోపాటు విశాఖపట్నం, పశ్చిమగోదావరి జిల్లాల్లో కూడా దొంగతనానికి పాల్పడినట్లు ఏసీపీ పేర్కొన్నారు.

ఇవీ చూడండి: ఒకే రోజు నలుగురు అదృశ్యం