ఎల్​ఆర్​ఎస్​ విధానాన్ని రద్దు చేయాలంటూ కేఎమ్​సీ ముట్టడి

రాష్ట్ర ప్రభుత్వం ప్రవేశపెట్టిన ఎల్​ఆర్​ఎస్​ విధానాన్ని రద్దు చేయాలని భాజపా ఆధ్వర్యంలో ఖమ్మంలో నిరసన చేపట్టారు. నగరపాలక సంస్థ కార్యాలయాన్ని ముట్టడించేందుకు యత్నించిన ఆందోళనకారులను పోలీసులు అరెస్టు చేశారు.

ఎల్​ఆర్​ఎస్​ను రద్దు చేయాలని డిమాండ్ చేస్తూ భాజపా ఆధ్వర్యంలో ఖమ్మం నగర పాలక సంస్థ కార్యాలయాన్ని ముట్టడించారు. కార్యాలయం లోపలికి వెళ్లేందుకు ప్రయత్నించగా.. పోలీసులు వారిని అడ్డుకుని అరెస్టు చేశారు. ఈ క్రమంలో పోలీసులకు ఆందోళనకారుల మధ్య తోపులాట జరిగింది.

అందరినీ అరెస్ట్ చేసి ఒకటో పట్టణ పోలీస్ స్టేషన్ తరలించారు. రాష్ట్ర ప్రభుత్వం పేద, మధ్యతరగతి ప్రజలను మరింత కష్టాల్లో నెట్టేందుకే ఎల్​ఆర్​ఎస్​ విధానాన్ని తీసుకొచ్చిందని వెంటనే దాన్ని ఉపసంహరించాలని డిమాండ్ చేశారు.

ఇదీ చూడండి:నవంబరు 3న దుబ్బాక ఉపఎన్నిక