బైకుల దొంగ అరెస్ట్​... 6 వాహనాలు స్వాధీనం

ఖమ్మం జిల్లాలో బైక్​లు దొంగిలించే వ్యక్తిని పోలీసులు అరెస్టు చేశారు. 6 వాహనాలు, 6 తులాల బంగారం, 25తులాల వెండి స్వాధీనం చేసుకున్నారు.

ద్విచక్రవాహనాల దొంగను ఖమ్మం జిల్లా రఘునాథపాలెం పోలీసులు పట్టుకున్నారు. జిల్లాకు చెందిన సాంబశివరావు గత కొంత కాలంగా పలు బైక్​లను దొంగిలించేవాడు. రాత్రిపూట తాళాలు పగులగొట్టి దొంగతనాలకు పాల్పడినట్లు పోలీసుల విచారణలో ఒప్పుకున్నాడు.

అతని నుంచి పోలీసులు 6 వాహనాలు, 6 తులాల బంగారం, 25తులాల వెండి స్వాధీనం చేసుకున్నట్లు ఏసీపీ వెంకట్​రెడ్డి తెలిపారు. నిందితుడిని కోర్టులో రిమాండ్​కు తరలించనున్నట్లు ఏసీపీ చెప్పారు.

ఇదీ చదవండి:మహానగరంలో కరోనా మహమ్మారి విజృంభణ..!