వైరాలో అధికార, ప్రత్యర్థి పార్టీల నేతల మధ్య వాగ్వాదం

ఖమ్మం జిల్లా వైరాలోని పోలింగ్​ కేంద్రంలో ఎమ్మెల్యే రాములు నాయక్​తో పాటు కొందరు ప్రజా ప్రతినిధులు రాగా ప్రత్యర్థి పార్టీల నాయకుల అడ్డుకున్నారు. రెండు పార్టీల కార్యకర్తల మధ్య వాగ్వాదం జరిగింది.

ఖమ్మం జిల్లా వైరా పోలింగ్​ కేంద్రంలో తెరాస, ప్రత్యర్థి పార్టీల మధ్య వాగ్వాదం చోటు చేసుకుంది. ఓటేసేందుకు ఎమ్మెల్యే రాములునాయక్​ రాగా.. ఆయనతో పాటు మరికొందరు ప్రజా ప్రతినిధులు వచ్చారు. ప్రత్యర్థులు అభ్యంతరం వ్యక్తం చేశారు.

ఈ క్రమంలో రెండు వర్గాల మధ్య స్వల్ప తోపులాట జరిగింది. వారి మధ్య వాదనలు పెరగడం వల్ల ఏసీపీ సత్యనారాయణ ప్రత్యేక బందోబస్తును ఏర్పాటు చేశారు. ఇరువర్గాలను పోలింగ్​ కేంద్రం నుంచి బయటకు పంపించారు.

ఇదీ చదవండి:'తెరాస ప్రభుత్వం ప్రజాస్వామ్యాన్ని ఖూనీ చేస్తుంది'