కల్తీ మద్యమే కాటేసింది..బెల్ట్​షాప్​ వద్ద బంధువుల ధర్నా

ఖమ్మం జిల్లా కూసుమంచి మండలం గట్టు సింగారంలో ఉద్రిక్తత నెలకొంది. కల్తీ మద్యం తాగడం వల్లనే వెంకటేష్​ అనే వ్యక్తి చనిపోయాడని ఆరోపిస్తూ.. బంధువులు ఆందోళకు దిగారు.

ఖమ్మం జిల్లా కూసుమంచి మండలం గట్టు సింగారంలో ఉద్రిక్తత నెలకొంది. కల్తీ మద్యం తాగడం వల్లనే వెంకటేష్​ అనే వ్యక్తి మరణించాడని ఆరోపిస్తూ.. బంధువులు బెల్ట్​ షాప్​ ఎదుట ఆందోళన చేపట్టారు.

గట్టు సింగారం బెల్ట్​​ షాప్​ వద్ద వారంరోజుల క్రితం వెంకటేష్​ అనే యువకుడు మద్యం తాగాడు. అనంతరం గొంతు బొబ్బలు వచ్చాయి. గమనించిన కుటుంబ సభ్యులు ఆస్పత్రికి తరలించారు. చికిత్స పొందుతూ వెంకటేష్​ మృతిచెందాడు.

కల్తీ మద్యం వల్లే వెంకటేష్​ మరణించాడని ఆరోపిస్తూ కుటుంబ సభ్యులు ఆందోళనకు దిగారు. ఘటనా స్థలికి చేరుకున్న పోలీసులు.. ఆందోళనకారులతో మాట్లాడారు. కేసు నమోదుచేసి దర్యాప్తు చేస్తామని.. న్యాయం జరిగేలా చూస్తామని హామీ ఇచ్చారు.

ఇవీచూడండి:ఖమ్మంలో 440 కిలోల గంజాయి స్వాధీనం