YS Sharmila angry with CM KCR: వరి వేస్తే ఉరే అన్న సన్నాసి ముఖ్యమంత్రి ఈ దేశంలో ఎక్కడైనా ఉన్నాడా.. అంటే మన ముఖ్యమంత్రి కేసీఆర్‌నే అని వైతెపా అధ్యక్షురాలు వైఎస్ షర్మిల ఎద్దేవా చేశారు. ప్రజాప్రస్థానం పాదయాత్రలో భాగంగా కరీంనగర్ జిల్లా హుజూరాబాద్ నుంచి యాత్రను ప్రారంభించి.. పరకాల క్రాస్ రోడ్డు, కందుగుల, ధర్మరాజుపల్లి, ఉప్పల్ మీదగా కమలాపూర్ మండలానికి చేరుకొని అక్కడ జరిగిన సభలో ఆమె ప్రసంగించారు.
ఎప్పుడు ఎలక్షన్ వస్తే అప్పుడే కేసీఆర్ ప్రజల ముందుకు వస్తారని షర్మిల విమర్శించారు. ఆయన బయటకు వచ్చాడంటే ఏదో పనిపడి.. ఓట్ల గురించేనని ప్రజలు అర్థం చేసుకోవాలన్నారు. ఓట్లు వేయించుకొని తిరిగి ఫామ్ హౌస్కు వెళ్తారని ఆరోపించారు. సీఎం కేసీఆర్ వ్యవసాయాన్ని ఆగం చేశారని, ధనిక రాష్ట్రంలో అప్పులు లేని రైతు ఉన్నాడా అని షర్మిలా ప్రశ్నించారు.
ప్రభుత్వ ఉద్యోగులకు జీతాలు చెల్లించలేని స్థితిలో సర్కారు ఉందని మండిపడ్డారు. దివంగత ముఖ్యమంత్రి వైఎస్ రాజశేఖర్రెడ్డి హయాంలో చేపట్టిన పథకాలన్నింటిని రూపురేఖలు లేకుండా చేశారని ధ్వజమెత్తారు. రైతులను ఆదుకున్న ఘనత వైఎస్కే దక్కుతుందని, ఇప్పుడు ప్రస్తుత సీఎం వల్ల రైతులు ఇబ్బందులకు గురవుతున్నారన్నారు.
ఆరోగ్యశ్రీ, ఫీజు రీఎంబర్స్‌మెంట్‌ వంటి పథకాలను సీఎం కేసీఆర్ నిర్వీర్యం చేస్తున్నారు. ఎన్నికలు వచ్చినప్పుడే కేసీఆర్‌కు ప్రజలు గుర్తుకు వస్తారు. ఓట్లేసి తిరిగి ఫామ్హౌస్కు వెళ్లిపోతారు. సీఎం వ్యవసాయాన్ని ఆగం చేశారు. ప్రభుత్వ ఉద్యోగులకు జీతాలు చెల్లించలేని స్థితిలో రాష్ట్రం ఉంది. రైతులను ఆదుకున్న ఘనత వైఎస్కే దక్కుతుంది. మహిళలకు ఎన్నో పథకాలు ప్రవేశపెట్టారు.- వైఎస్ షర్మిల, వైతెపా అధ్యక్షురాలు
ఆరోగ్యశ్రీ, ఫీజు రీఎంబర్స్‌మెంట్‌ వంటి పథకాలను సీఎం నిర్వీర్యం చేశారు ఇవీ చదవండి:
