ఈనెల 25, 26న వాగేశ్వరి ఎంబీఏ కళాశాలలో యూత్​ ఫెస్టివల్​

ఈ నెల 25, 26 న కరీంనగర్​ జిల్లా తిమ్మాపూర్​లోని వాగేశ్వరి ఎంబీఏ కళాశాలలో యూత్​ ఫెస్టివల్​ నిర్వహించనున్నారు. పలు విభాగాల్లో పోటీలు నిర్వహించనున్నట్లు తెలిపారు. ఈ నెల 22లోపు ఔత్సాహికులు పేర్లు నమోదు చేసుకోవాలని సూచించారు.

కరీంనగర్ జిల్లా తిమ్మాపూర్​లోని వాగేశ్వరి ఎంబీఏ కళాశాలలో ఈనెల 25, 26న యూత్ ఫెస్టివల్ నిర్వహించనున్నట్టు కళాశాల ప్రధాన కార్యదర్శి గండ్ర శ్రీనివాస్​రెడ్డి తెలిపారు. ఈ కార్యక్రమానికి సంబంధించిన కరపత్రికను ఆవిష్కరించారు. యువతలో ఉన్న నైపుణ్యాన్ని వెలికితీసేందుకు ఇలాంటి కార్యక్రమాలు చేపడుతున్నట్లు తెలిపారు.

యూత్​ ఫెస్టివల్​లో డాన్స్, మ్యూజిక్, డ్రామా, మిమిక్రీ, కామెడీ, ఫోటో కాంటెస్ట్ పోటీలను నిర్వహించనున్నట్టు నిర్వహాకులు తెలిపారు. పోటీలలో గెలుపొందిన విజేతలకు ప్రథమ బహుమతిగా రు.4 వేలు, ద్వితీయ బహుమతిగా రూ.2 వేల చొప్పున రూ.లక్ష ప్రైజ్ మనీని అందజేయనున్నట్టు వివరించారు.

ఫెస్టివల్లో పాల్గొనడానికి ఈ నెల 22లోపు రిజిస్ట్రేషన్ చేసుకోవాలని సూచించారు. ఇప్పటివరకు ఉమ్మడి జిల్లా వ్యాప్తంగా 100 మంది నమోదు చేసుకున్నారని మరో 200 మంది నమోదు అయ్యే అవకాశాలున్నాయని ఆశాభావం వ్యక్తం చేశారు.

ఇవీ చూడండి :మాటలతో మాయ చేసి.. మంత్రి పేరుతో ముంచేస్తాడు..!