ప్రైవేట్ స్కూల్ బస్సులను అడ్డుకున్న గ్రామస్థులు

కరీంనగర్​ జిల్లా ఆముదాలపల్లి, అన్నారం గ్రామాల్లో 'ప్రైవేట్​ పాఠశాలలు వద్దు... ప్రభుత్వ బడులే ముద్దు' అనే నినాదంతో ప్రజా ప్రతినిధులు, గ్రామస్థులు ప్రైవేట్​ స్కూల్​ బస్సులను అడ్డుకున్నారు.

'ప్రైవేట్​ పాఠశాలలు వద్దు.. ప్రభుత్వ బడులే ముద్దు' అనే నినాదంతో కరీంనగర్​ జిల్లా ఆముదాలపల్లి, అన్నారం గ్రామాల్లోని ప్రైవేట్​ స్కూల్​ బస్సులను ప్రజాప్రతినిధులు, గ్రామస్థులు అడ్డుకున్నారు. అన్నారంలో దాదాపు 16 బస్సులను అడ్డుకుని ఆందోళన చేయడంతో విద్యార్థుల తల్లిదండ్రులు గొడవ చేశారు.

ప్రభుత్వ పాఠశాలల్లో చదివించేందుకు నిరాకరిస్తే ... ప్రభుత్వం అందిస్తున్న సంక్షేమ పథకాలు తీసుకోబోమని తల్లిదండ్రులు రాసివ్వాలని డిమాండ్​ చేశారు. ఫలాలు కావాలంటే ప్రభుత్వ బడులను ప్రోత్సాహించాలన్నారు. ఈ మేరకు బస్సుల్లోని పిల్లలందరినీ దింపి ఖాళీ బస్సులను పంపించారు. మరోసారి గ్రామంలోకి రాకూడదని డ్రైవర్లను హెచ్చరించారు.

ఇదీ చదవండిః చెన్నై నీటి సమస్యపై స్పందించిన టైటానిక్ హీరో