'సీపీ కార్యాలయం ఎదుట యువకుడు ఆత్మహత్యాయత్నం'

ఓ ప్రజాప్రతినిధి తనను వేధిస్తున్నారని... పోలీసు అధికారి సైతం వారికి సహకరిస్తున్నాడని ఓ యువకుడు సీపీ కార్యాలయం ఎదుట ఆత్మహత్యకు యత్నించిన ఘటన కరీంనగర్​లో చోటు చేసుకుంది. పోలీసులు కేసు నమోదు చేసుకుని దర్యాప్తు చేస్తున్నారు.

కరీంనగర్ పోలీస్ కమిషనర్ కార్యాలయం ఎదుట ఓ యువకుడు ఆత్మహత్యకు యత్నించాడు. యువకుడు జగిత్యాల జిల్లా గోపాలపురం గ్రామానికి చెందిన విజయ్​గా పోలీసులు గుర్తించారు.

ఓ ప్రజాప్రతినిధి... అతని అనుచరులు రాజకీయ కక్షతో వేధిస్తున్నారని విజయ్​ ఆరోపించాడు. వీరికి ఓ పోలీస్ అధికారి సైతం సహకరిస్తున్నాడని తెలిపాడు. తనను ఇబ్బందులకు గురి చేస్తున్న వారందరిపై చర్యలు తీసుకోవాలని కోరుతూ కరీంనగర్​లోని సీపీ కార్యాలయం ఎదుట ఆత్మహత్యకు పాల్పడ్డాడు. తన వెంట తెచ్చుకున్న పురుగుమందు డబ్బా తీసి తాగాడు. పోలీసులు వెంటనే అప్రమత్తమై అతనిని ప్రభుత్వ ఆస్పత్రికి తరలించారు. కేసు నమోదు చేసి దర్యాప్తు చేస్తున్నట్లు వెల్లడించారు.

ఇదీ చూడండి:కొత్త ప్రాజెక్టులు ఆపండి... రెండు రాష్ట్రాలకు కేంద్ర జల్‌శక్తి శాఖ లేఖ