హుజూరాబాద్‌లో రాష్ట్ర ఎన్నికల ప్రధాన అధికారి శశాంక్‌ గోయల్‌ పర్యటన
హుజూరాబాద్ ఉపఎన్నిక పోలింగ్(Huzurabad by election 2021) ప్రశాంతంగా కొనసాగుతోందని రాష్ట్ర ఎన్నికల ప్రధాన అధికారి శశాంక్‌ గోయల్‌ తెలిపారు. అన్ని పోలింగ్ కేంద్రాల్లో ఎలాంటి సమస్యలు లేవని తెలిపారు. ఏదైనా సమస్య ఉన్నా... మావద్ద అందుకు తగ్గ అధికారులు, పోలీస్‌ బలగాలు ఉన్నాయని పేర్కొన్నారు. హుజూరాబాద్‌లోని పలు పోలింగ్ కేంద్రాలను పరిశీలించారు.
కమలాపూర్‌లో పోలింగ్ కేంద్రాలను తనిఖీ చేసిన సీఈవో శశాంక్‌ గోయల్‌ తనిఖీ చేశారు. 306 పోలింగ్ కేంద్రాల్లో పోలింగ్ ప్రశాంతంగా జరుగుతోందని తెలిపారు. ఇప్పటివరకు 88 ఫిర్యాదులు అందాయని చెప్పారు. వాటిపై ఎన్నికల పరిశీలకులు వివరాలు సేకరిస్తున్నారని అన్నారు.డబ్బు పంపిణీపై ఫిర్యాదులను క్షేత్రస్థాయిలో పరిశీలిస్తున్నామని పేర్కొన్నారు. విచారణలో నిజాలు తేలితే ఎన్నికల తర్వాత కూడా చర్యలు ఉంటాయని తెలిపారు.