కరీంనగర్ జిల్లా కేంద్రంలో సమ్మెను విరమించి విధుల్లోకి చేరడానికి వచ్చిన కార్మికులను పోలీసులు అడ్డుకోవడం వల్ల పరిస్థితి ఉద్రిక్తంగా మారింది. ఉదయం 4 గంటల నుంచే బస్టాండ్ల వద్ద భారీగా పోలీసులను మోహరించారు. మరోవైపు తాత్కాలిక ఉద్యోగులతో బస్సు సర్వీసులను యథావిధిగా నడిపించారు.
తమ ఉద్యోగాలు తమకి కావాలంటూ పప్లకార్డులు చేతపట్టుకొని నిరసన తెలుపుతూ డిపో ప్రాంగణంలోకి వచ్చారు కార్మికులు. పోలీసులు వారిని డిపోలోకి వెళ్లకుండా మధ్యలోనే అడ్డుకున్నారు. లోపలికి వెళ్లడానికి అనుమతి లేదని అందువల్లే వెళ్లనివ్వట్లేదని పోలీసులు తెలిపారు. ఈ క్రమంలో పోలీసులు, కార్మికుల మధ్య వాగ్వాదం చోటు చేసుకొంది.