ఆర్టీసీ మహిళా ఉద్యోగులకు విశ్రాంతి గదులు

సీఎం కేసీఆర్ ఇచ్చిన మాట నిలబెట్టుకున్నారని ఆర్టీసీ మహిళా ఉద్యోగులు హర్షం వ్యక్తం చేశారు. ఈ మేరకు కరీంనగర్ 1డిపోలో మహిళా అధికారులు, కార్మికులకు విశ్రాంతి గదులను ఏర్పాటు చేశారు.

కరీంనగర్ 1డిపోలో నూతన సంవత్సర కానుకగా మహిళా ఉద్యోగులకు ప్రత్యేక విశ్రాంతి గదులను ఏర్పాటు చేశారు. తమ సమస్యలను తెలుసుకొని త్వరితగతిన నిర్వహించినందుకు చాలా సంతోషంగా ఉందని మహిళా కండక్టర్లు ఆనందం వ్యక్తం చేశారు.

విధులకు వెళ్లే ముందు వారి సామాన్లను భద్రపరిచేందుకు, మధ్యాహ్నం సమయంలో భోజనం చేసేందుకు సౌకర్యంగా ఉంటుందని మహిళలు తెలిపారు. గతంలో విశ్రాంతి గదులు లేక బస్సుల్లోనే మధ్యాహ్న భోజనం చేసే వారి మని ఇప్పుడు ఆ బాధ లేదని పేర్కొన్నారు.

ఇదీ చూడండి : వనదేవతలను దర్శించుకున్న మంత్రులు