ఈటలకు మద్దతుగా బీసీ సంక్షేమ సంఘం ఆధ్వర్యంలో మౌనదీక్ష

మాజీ మంత్రి ఈటల రాజేందర్​కు మద్దతుగా కరీంనగర్​ జిల్లా కేంద్రంలో మౌనదీక్ష నిర్వహించారు. ఈటలకు జరిగిన అవమానాలను నిరసిస్తూ బీసీ సంక్షేమ సంఘం ఆధ్వర్యంలో ఈ దీక్ష చేపట్టారు.

మంత్రి వర్గం నుంచి ఈటల రాజేందర్​ను తొలగించి బీసీలను అవమానపరిచారని బీసీ సంక్షేమ సంఘం ఉమ్మడి కరీంనగర్​ జిల్లా అధ్యక్షులు ఎన్నం ప్రకాష్ ఆరోపించారు. సంఘం ఆధ్వర్యంలో కరీంనగర్​లో ఈటల రాజేందర్​కు మద్దతుగా నల్ల మాస్కులతో మౌనదీక్ష చేపట్టారు. ఈటలపై అవినీతి ముద్ర వేశారని శ్రీనివాస్​ గౌడ్​ మండిపడ్డారు.

ప్రత్యేక రాష్ట్రం ఏర్పడిన నాటి నుంచి బీసీ మంత్రులు, ఎమ్మెల్యేలు, ప్రజాప్రతినిధులను అణచివేతకు గురిచేస్తున్నారని ప్రకాష్​ ఆవేదన వ్యక్తం చేశారు. బీసీలంతా ఏకమై కేసీఆర్​ ప్రభుత్వాన్ని గద్దె దించేవరకు పోరాటం చేయాలని కోరారు. మౌన దీక్షలో రాష్ట్ర ఉపాద్యక్షురాలు వరాల జ్యోతి, కార్యదర్శి దొగ్గలి శ్రీధర్, యువజన సంఘం వర్కింగ్ ప్రెసిడెంట్ తదితరులు పాల్గొన్నారు.

ఇదీ చదవండి:వారాంతపు లాక్‌డౌనా..? కర్ఫ్యూ వేళల పొడగింపా..?: హైకోర్టు