సాయినగర్​ కాలనీలో పోలీసుల నిర్బంధ తనిఖీలు

సాయినగర్​ కాలనీలో పోలీసులు కట్టడి ముట్టడి నిర్వహించారు. సరైన పత్రాలు లేని పలు వాహనాలను స్వాధీనం చేసుకున్నారు.

కరీంనగర్ జిల్లా కేంద్రం​లోని సాయినగర్ కాలనీ​లో డీసీపీ చంద్రమోహన్​ ఆధ్వర్యంలో పోలీసులు నిర్బంధ తనిఖీలు నిర్వహించారు. సరైన ధ్రువీకరణ పత్రాలు లేని 95 ద్విచక్ర వాహనాలు, అక్రమంగా విక్రయిస్తున్న రూ. 35 వేల విలువ చేసే గుట్కా ప్యాకెట్లను స్వాధీనం చేసుకున్నారు.

అనంతరం కాలనీలో సీసీ కెమెరాల ఏర్పాటుపై డీసీపీ చంద్రమోహన్​ స్థానికులకు అవగాహన కల్పించారు. కరీంనగర్​ పోలీస్ కమిషనరేట్ పరిధిలో శాంతిభద్రతల పరిరక్షణకై ప్రజలు సహకరించాలని కోరారు. తనిఖీల్లో 150 మంది పోలీస్​ సిబ్బంది పాల్గొన్నట్లు డీసీపీ వివరించారు.

ఇదీ చూడండి:ఆ కలెక్టరు పేరు చెబితే అధికారులు హడలిపోతున్నారు