ధాన్యం కొనుగోళ్ల కోసం కర్షకుల ఎదురుచూపులు.. రెచ్చిపోతున్న దళారులు

Paddy Purchase Issue in Karimnagar : రైతులు పండించిన ప్రతి ధాన్యం గింజను కొంటామన్న ప్రభుత్వం, ఆచరణలో మాత్రం తీవ్ర నిర్లక్ష్యం చూపుతోందని రైతులు అంటున్నారు. దసరాకు ముందే పంట కోసి ధాన్యం ఆరబెట్టుకున్నా, ఇంకా కొనుగోలు కేంద్రాలు ప్రారంభింలేదని ఆవేదన వ్యక్తం చేస్తున్నారు. ఇదే అదనుగా దళారులు తక్కువ ధరకు కొనుగోలు చేసే పరిస్థితి నెలకొంది. చేసేదేమిలేక కరీంనగర్‌ జిల్లాలో కర్షకులు.. వ్యాపారులకు తమ ధాన్యాన్ని అప్పగిస్తున్నారు.

Paddy Purchase Issue in Karimnagar : ఉమ్మడి కరీంనగర్ జిల్లాలో దసరాకు ముందు నుంచే వరికోతలు ప్రారంభమయ్యాయి. ధాన్యం ఎప్పుడెప్పుడు అమ్ముకుందామా అని రైతులు ఎదురు చూస్తున్నారు. సర్కార్ మాత్రం దీపావళి తర్వాత కొనుగోలు కేంద్రాలను ప్రారంభిస్తామని ప్రకటించింది. చాలా చోట్ల కేంద్రాలు ప్రారంభించినా.... అక్కడ కొనుగోళ్లు మాత్రం ప్రారంభం కాలేదు. రైస్‌మిల్లుల కేటాయింపు, ఖాళీ సంచులను సమకూర్చే ప్రక్రియ పూర్తి కాలేదు.

కొనుగోలు కేంద్రాల్లోని ధాన్యం రాశుల వద్ద 15 రోజులుగా అన్నదాతలు పడిగాపులు కాస్తున్నారు. తేమ నిబంధనతో రైతులు పగలంతా ఎండకు వడ్లను ఎండబెట్టినప్పటికీ, రాత్రిళ్లు కురిసే మంచుతో మళ్లీ యథాస్థితికి చేరుతోందని ఆవేదన వ్యక్తం చేస్తున్నారు. ప్రభుత్వం ధాన్యం కొనుగోళ్లలో తాత్సారం చేస్తుండటంతో, రైతులు వ్యాపారులకు అమ్ముకొనేందుకు సిద్ధమవుతున్నారు.

ఎఫ్​సీఐ నిబంధనల కారణంగా కోతలు ఎక్కువగా ఉంటాయేమోనని ఆందోళన చెందుతున్నారు. ప్రభుత్వం ఇచ్చే మద్దతు ధరకంటే 100 నుంచి 150రూపాయల వరకు తక్కువైనప్పటికీ... ప్రైవేటు వ్యాపారులకే ఇచ్చేందుకు మొగ్గు చూపుతున్నారు. కొనుగోలు కేంద్రాల్లో త్వరితగతిన కొనుగోళ్ల ప్రక్రియ ప్రారంభించాలని, కర్షకులు ప్రభుత్వాన్ని కోరుతున్నారు.

ఇవీ చదవండి: