పది ఆక్సిజన్​ కాన్సన్​ట్రేటర్ల విరాళం

కొవిడ్‌ ప్రభావంతో నిత్యం వేలాది మంది ప్రాణవాయువు అందక ఊపిరి వదులుతున్నారు. కొవిడ్​ బాధితులకు సాయపడాలనే ఉద్దేశంతో కరీంనగర్​కు చెందిన వ్యాపారి కేసర్​మల్​ కార్వా జ్ఞాపకార్థం వారి కుటుంబ సభ్యులు 10 ఆక్సిజన్​ కాన్సన్​ట్రేటర్లను జిల్లా కలెక్టర్​కు అందించారు.

కరీంనగర్​ పట్టణానికి చెందిన ప్రముఖ వ్యాపారి కేసర్​మల్​ కార్వా జ్ఞాపకార్థం వారి కుటుంబ సభ్యులు పది ఆక్సిజన్​ కాన్సన్​ట్రేటర్లను విరాళంగా ఇచ్చారు. కొవిడ్​ బాధితులకు తమ వంతు సాయం చేయాలనే ఉద్దేశంతో రూ.7లక్షల విలువైన యంత్రాలను జిల్లా కలెక్టర్​ శశాంకకు అందించారు.

కొవిడ్​ కారణంగా చాలా మంది ఆక్సిజన్ అందక ప్రాణాలు కోల్పోతున్నారని తెలిసి తమవంతు సాయం అందిస్తున్నట్లు వివరించారు. కష్టకాలంలో మరింత మంది ముందుకొచ్చి తమకు తోచిన సాయం చేయాలని అధికారులు విజ్ఞప్తి చేశారు.