గట్టుబూత్కూరులో వృద్ధురాలి దారుణ హత్య

ఇంట్లో ఒంటరిగా ఉన్న ఓ వృద్ధురాలిని గుర్తు తెలియని వ్యక్తులు దారుణంగా హత్య చేశారు. కరీంనగర్​ జిల్లా గంగాధర మండలం గట్టుబూత్కూరులో ఈ ఘటన జరిగింది. కరీంనగర్​ సీపీ కమలాసన్​ రెడ్డి ఘటనా స్థలానికి చేరుకుని వివరాలు ఆరా తీశారు.

కరీంనగర్ జిల్లా గంగాధర మండలం గట్టుబూత్కురులో కంకనాల కౌసల్య(75) అనే వృద్ధురాలు హత్యకు గురైంది. ఇంట్లో ఒంటరిగా నివసిస్తున్న ఆమెపై గుర్తుతెలియని వ్యక్తులు ఈ ఘాతుకానికి పాల్పడ్డారు. మృతదేహాన్ని చూసిన పక్కింటి మహిళ పోలీసులకు సమాచారం ఇచ్చింది.

డాగ్ స్క్వాడ్​తో హత్య జరిగిన ప్రదేశానికి చేరుకున్న పోలీసుల బృందం నిందితుల కోసం గాలింపు చేపట్టింది. కరీంనగర్ పోలీస్ కమిషనర్ కమలాసన్ రెడ్డి ఘటనా స్థలానికి వచ్చి వివరాలు తెలుసుకున్నారు. హంతకులను త్వరలోనే పట్టుకుంటామని సీపీ వెల్లడించారు.

ఇదీ చూడండి :అర్ధరాత్రయినా అదే అప్రమత్తత... కరోనాపై అలుపెరుగని పోరాటం