మరోసారి దాతృత్వం చాటుకున్న బండి సంజయ్

రోడ్లపై ఏర్పడిన గుంతలో పడి ద్విచక్రవాహనదారులకు గాయాలయ్యాయి. సహాయం కోసం ఎదురు చూస్తున్న వారికి కరీంనగర్​ ఎంపీ బండి సంజయ్ ఆపన్న హస్తం అందించారు. మరోసారి తన దాతృత్వాన్ని చాటుకున్నారు.

హుజూరాబాద్​ నుంచి పున్నం రమేష్, రమ, సంకీర్తన్ బైక్​ మీద కరీంనగర్​కు బయలుదేరారు. ఇటీవలే కురిసిన వర్షాలకు మానకొండూర్ పోలీస్ స్టేషన్​ వద్ద రోడ్డు మరమ్మతుకు గురైంది. గుంతల కారణంగా బైక్​ అదుపుతప్పడంతో ముగ్గురు కిందపడి గాయపడ్డారు.

అదే సమయంలో కరీంనగర్​ ఎంపీ, భాజపా రాష్ట్ర అధ్యక్షుడు బండి సంజయ్... వరంగల్​ పర్యటనకు బయలుదేరారు. ఈ ప్రమాదాన్ని చూసి కారు ఆపి వారితో మాట్లాడారు. వివరాలు తెలుసుకుని... ధైర్యం చెప్పి... సొంత వాహనంలోనే క్షతగాత్రులను ఆస్పత్రికి తరలించి చికిత్స చేయించారు.

ఇదీ చూడండి:గోదావరి తీరంలో యథేచ్చగా ఇసుక అక్రమ రవాణా