రైతులకు బీమా చెక్కుల అందజేత: ఎమ్మెల్యే

కరీంనగర్​లో అకాల మరణం చెందిన 11 మంది రైతు కుటుంబాలకు 55 లక్షల బీమా అందింది. బీమా ప్రొసీడింగ్స్​లను ఎమ్మెల్యే సుంకె రవిశంకర్ అందజేశారు.

కరీంనగర్ జిల్లా గంగాధర మండలంలో అకాల మరణం చెందిన 11 మంది రైతుల కుటుంబాలకు రూ. 55 లక్షల బీమా ప్రొసీడింగ్స్​లను ఎమ్మెల్యే సుంకె రవిశంకర్ అందజేశారు. కుటుంబాన్ని పోషించే రైతు అకాల మరణంతో రైతు బీమా వారికి ఊరటనిస్తుందన్నారు.

రాష్ట్ర ప్రభుత్వం రైతు కుటుంబాలను ఆదుకోవాలనే లక్ష్యంతో ప్రతీ యేటా రూ.3 వేల కోట్లు ప్రీమియం చెల్లిస్తుందని వెల్లడించారు. రైతు అకాల మరణం చెందిన కుటుంబాలు అధైర్య పడకుండా ఉండాలని కోరారు. రైతుబీమా డబ్బుతో కుటుంబ అవసరాలకు ఖర్చు చేసుకోవాలని సూచించారు. రాష్ట్ర ప్రభుత్వం రైతుల సంక్షేమం కోసం కృషి చేస్తుందని అన్నారు.

ఇదీ చూడండి:తెలంగాణలో కొత్తగా 1,896 కరోనా కేసులు, 12 మరణాలు