'రంజాన్ వేడుకల్లో కొవిడ్ నిబంధనలు పాటించాలి'

కరీంనగర్ జిల్లా మానకొండూరు నియోజకవర్గం క్యాంపు కార్యాలయంలో రంజాన్​ను పురస్కరించుకుని.. ఎమ్మెల్యే రసమయి బాలకిషన్ ముస్లిం సోదరులకు దుస్తులు పంపిణీ చేశారు. కొవిడ్ నిబంధనలు పాటిస్తూ పండుగను జరుపుకోవాలని సూచించారు.

ముస్లిం సోదరులు కరోనా నియమాలను పాటిస్తూ రంజాన్​ వేడుకలను జరుపుకోవాలని ఎమ్మెల్యే రసమయి బాలకిషన్ విజ్ఞప్తి చేశారు. మానకొండూరు క్యాంపు కార్యాలయంలో ప్రభుత్వం తరఫున పేదలకు దుస్తులు పంపిణీ చేశారు. ప్రపంచాన్ని పట్టి పీడిస్తోన్న మహమ్మారి పట్ల అందరూ అప్రమత్తంగా ఉండాలని ఆయన సూచించారు.

కరోనా కారణంగా.. ఈ ఏడాది ఇఫ్తార్ విందు జరుపుకోలేకపోవడం బాధాకరమని ఎమ్మెల్యే అన్నారు. రోగ నిరోధక శక్తిని పెంపొందించుకునే దిశగా ప్రతి ఒక్కరూ వ్యాక్సిన్ వేసుకోవాలని సూచించారు. ఈ కార్యక్రమంలో స్థానిక పార్టీ నాయకులు పాల్గొన్నారు.

ఇదీ చదవండి:మినీ పురపోరుకు ఏర్పాట్లు పూర్తి చేసిన అధికారులు