విజయదశమి సందర్భంగా మంత్రి గంగుల ప్రత్యేక పూజలు

కరీంనగర్​ జిల్లా కేంద్రంలోని గిద్దె పెరుమాండ్ల స్వామి ఆలయంలో మంత్రి గంగుల కమలాకర్​ ప్రత్యేక పూజలు నిర్వహించారు. రాష్ట్ర ప్రజలంతా సంతోషంగా ఉండాలని స్వామివారిని వేడుకున్నారు. ప్రజలు సంతోషకర వాతావరణంలో పండుగ జరుపుకోవాలని సూచించారు.

విజయదశమిని పురస్కరించుకుని కరీంనగర్​లోని గిద్దె పెరుమాండ్ల స్వామి ఆలయంలో బీసీ సంక్షేమ శాఖ, పౌర సరఫరాల శాఖ మంత్రి గంగుల కమలాకర్, నగర పాలక సంస్థ మేయర్ సునీల్​రావు ప్రత్యేక పూజలు చేశారు. ఈ సందర్భంగా తెలంగాణ రాష్ట్ర ప్రజలకు మంత్రి గంగుల దసరా శుభాకాంక్షలు తెలిపారు.

రాష్ట్రంలోని ప్రజలంతా సుఖ సంతోషాలతో ఉండేలా ఆశీర్వచనాలు అందించాలని స్వామివారిని కోరుకున్నట్లు మంత్రి తెలిపారు. ఈసారి కరోనాతో ప్రజలు ఇబ్బందిపడ్డారని.. వచ్చే ఏడాది దసరా పండుగను కొవిడ్​ రహిత వాతావరణంలో జరుపుకునేలా చూడాలని వేడుకున్నారు.

ఇదీ చదవండి-రాష్ట్ర ప్రజలకు సీఎం విజయదశమి శుభాకాంక్షలు