నేను మంత్రి కంటే ముందు కేసీఆర్ అభిమానిని: గంగుల

తెలంగాణ రాష్ట్రంలో కేసీఆర్​ పుట్టడం తెలంగాణ ప్రజల అదృష్టమని, ఆయన పుట్టిన గడ్డపై తాను పుట్టడం వరంగా భావిస్తున్నానని మంత్రి గంగుల కమలాకర్​ అన్నారు. తాను మంత్రి కంటే ముందు కేసీఆర్​ అభిమానినని పేర్కొన్నారు. తెలంగాణ ఆవిర్భావ దినోత్సవం సందర్భంగా కరీంనగర్​ కలెక్టరేట్​ ఆవరణంలో జాతీయ జెండాను ఆవిష్కరించారు.

తెలంగాణ ఆవిర్భవించకపోతే తెలంగాణ మరో సోమాలియా రాష్ట్రంగా మారేదని బీసీ సంక్షేమశాఖ మంత్రి గంగుల కమలాకర్ అన్నారు. తెలంగాణ గడ్డమీద కేసీఆర్ పుట్టడం తెలంగాణ ప్రజల అదృష్టమని... ఆయన పుట్టిన గడ్డమీద తాను పుట్టడం వరంగా భావిస్తున్నట్లు మంత్రి పేర్కొన్నారు. రాష్ట్ర ఆవిర్భావ దినోత్సవ సందర్భంగా కరీంనగర్ తీగలగుట్టపల్లిలోని తెలంగాణ భవన్​తోపాటు కలెక్టరేట్‌ ఆవరణలో జాతీయ జెండాను ఆవిష్కరించారు.

దేశం ఆకలి తీర్చే విధంగా సీఎం కేసీఆర్ తెలంగాణను తీర్చిదిద్దారని తెలిపారు. సీఎం కేసిఆర్‌‌ దైవస్వరూపడని.. తెలంగాణ ఆస్తి అని మంత్రి అభివర్ణించారు.. ఆత్మహత్యల తెలంగాణను ఆరేళ్లలో సస్యశ్యామల రాష్ట్రంగా అభివృద్ధి చేసిన ఘనత తెరాస ప్రభుత్వానికే దక్కిందని ఆయన పేర్కొన్నారు.

తెరాస ప్రభుత్వం తీసుకొచ్చిన పథకాలను ప్రతి ఒక్కరికీ అందేలా చూడాల్సిన బాధ్యత అందరిపై ఉందని మంత్రి తెలిపారు. ఈ సందర్భంగా తెలంగాణ మాసపత్రికను మంత్రి గంగుల ఆవిష్కరించారు. తెలంగాణ రాష్ట్ర సాధనకై పోరాడిన అమరవీరులను స్మరించుకుంటూ అమరవీరుల స్తూపం వద్ద జిల్లా కలెక్టర్ శశాంక, సీపీ కమలాసన్​ రెడ్డి, మేయర్ సునీల్ రావులతో పాటు మంత్రి కమలాకర్ నివాళులర్పించారు.

ఇదీ చదవండి:'తెలంగాణకు కేసీఆర్ దేవుడిచ్చిన వరం'