'సీఎం నిండునూరేళ్లు సల్లగుండాలె'

సీఎం పుట్టినరోజు వేడుకలను కరీంనగర్​ జిల్లాలో ఘనంగా నిర్వహించారు. వేడుకల్లో భాగంగా మంత్రి గంగుల కరీంనగర్​ పట్టణ ప్రజలకు మొక్కలను పంపిణీ చేశారు.

ముఖ్యమంత్రి కే చంద్రశేఖరరావు 66వ జన్మదిన వేడుకలను కరీంనగర్​లో తెరాస శ్రేణులు ఘనంగా జరుపుకున్నారు. బీసీ సంక్షేమ శాఖ మంత్రి గంగుల కమలాకర్ పట్టణంలోని తెలంగాణ చౌక్​ వద్ద ప్రజలకు మొక్కలను పంపిణీ చేశారు.

అనంతరం సర్కస్ గ్రౌండ్​లో మంత్రి గంగుల మొక్కలు నాటారు. కేక్​కట్​ చేసి సంబురాలు జరుపుకున్నారు. కేసీఆర్​ నిండునూరేళ్లు సల్లగుండాలె.. రాష్ట్రాన్ని మరింత అభివృద్ధి పథంలోకి తీసుకెళ్లాలని మంత్రి గంగుల ఆకాంక్షించారు.

ఇవీ చూడండి: ప్రగతి భవన్​లో మొక్కలు నాటిన కేసీఆర్ కుటుంబసభ్యులు