కరీంనగర్ బస్టాండ్ వద్ద మాస్క్వాల్ ఏర్పాటు చేసి ఓ స్వచ్ఛంద సంస్థ మాస్కుల గురించి ప్రచారం చేస్తున్నారు. వందలాది మంది బస్టాండ్ ద్వారా రాకపోకలు సాగిస్తుంటారు. అలాంటి వారు విధిగా మాస్కు ధరించాలని పలు చోట్ల బోర్డులు ఏర్పాటు చేసినా కొంత మంది నిర్లక్ష్యం చేస్తున్నారు. దీనితో స్వచ్ఛంద సంస్థ రోజుకు 500 నుంచి 1000 వరకు ఉచితంగా మాస్కులు పంపిణీ చేస్తున్నారు.
మాస్క్ వాల్...
మాస్క్ వాల్‌ను ఏర్పాటు చేసి వాటిని ఎలా వినియోగించాలో కూడా అవగాహన కల్పిస్తున్నారు. మాస్కు అనగానే కొంత మంది కర్చీఫ్ కట్టుకోవడం మరికొంత మంది వైరస్‌ను అడ్డుకుంటుందా లేదా అనే విషయాన్ని కూడా ఆలోచించకుండా మాస్కులు పెట్టుకొని తిరుగుతున్నారని అందువల్లే తాను అవగాహన కల్పిస్తున్నట్లు స్వచ్ఛంద సంస్థ అధ్యక్షులు ఘన్‌శ్యాం ఓజా తెలిపారు.