ఎస్సై కొట్టాడంటూ సెల్​టవర్​ ఎక్కిన వ్యక్తి

కరీంనగర్​ జిల్లా గన్నేరువరంలో ఓ వ్యక్తి సెల్​టవర్​ ఎక్కి నిరసన తెలిపాడు. భూమి తగాదా విషయంలో తనను భయపెట్టెందుకు ఎస్సై తీవ్రంగా కొట్టాడని బాధితుడు ఆవేదన వ్యక్తం చేశాడు.

కరీంనగర్​ జిల్లా గన్నేరువరంలో ఓ వ్యక్తి కుటుంబసభ్యులతో సెల్​టవర్ ఎక్కి నిరసనకు దిగాడు. భూకేటాయింపుల విషయంలో ఉన్న తగాదాలలో తనకెలాంటి సంబంధం లేకున్నా... ఎస్సై పోలీస్​స్టేషన్​కు పిలిపించి తీవ్రంగా కొట్టారని ఆవేదన వ్యక్తం చేశాడు. రెవెన్యూ అధికారులు పరిష్కరించాల్సిన భూ సమస్యలో ఓ ఎస్సై ఇలా కక్షపూరితంగా వ్యవహరించటం దారుణమని బాధితుడు వాపోయాడు.

రాస్తారోకో నిర్వహించిన అనంతరం... పక్కనే ఉన్న సెల్​టవర్​​ ఎక్కాడు. ఎస్సైపై కఠిన చర్యలు తీసుకోవాలని డిమాండ్​ చేశాడు. స్థానికులు, పోలీసులు ఎంత సర్దిచెప్పినా ఫలితం లేకపోయింది. ఎస్సై విషయాన్ని అధికారుల దృష్టికి తీసుకెళ్లి న్యాయం జరిగేలా చూస్తామని హామీ ఇవ్వగా... ఎట్టకేలకు దిగివచ్చాడు. ఏ కారణం లేకుండా తనను కొట్టిన ఎస్సైపై చర్యలు తీసుకోవాలని రెవెన్యూ కార్యాలయంలో వినతిపత్రం అందించారు. పోలీస్​స్టేషన్​కు పిలిపించి మందలించామే తప్ప... చేయి చేసుకోలేదని ఎస్సై తెలిపారు.

ఇవీ చూడండి:మేడారంలో అపశృతి.. మూర్ఛవ్యాధితో ఇద్దరి దుర్మరణం