వారి కష్టం చూసైనా... ఇళ్లలోనే ఉందాం...

వైరస్ కట్టడిలో భాగంగా పోలీసులు చేస్తున్న పహారాల గురించి ఎంత మాట్లాడుకున్నా తక్కువే. ఇళ్లను వదిలి విధులు నిర్వర్తించడం కోసం ఎండలో తిరుగుతూ గస్తీ కాస్తున్నారు.

కరీంనగర్​ జిల్లాలో లాక్​డౌన్ ప్రశాంతంగా కొనసాగుతోంది. ఉదయం 11 గంటలకు రహదారులన్నీ నిర్మానుష్యంగా మారాయి. ఎప్పుడూ రద్దీగా ఉండే టవర్ సర్కిల్ సైతం జనాలు లేక ప్రశాంతంగా కనిపిస్తోంది.

నిర్మానుష్యంగా మారిన టవర్ సర్కిల్

ప్రజలు బయటకు రాకపోయినా... పోలీసులు మాత్రం తమ విధులు నిర్వర్తించండంలో అలసత్వం ప్రదర్శించకుండా పహారా కాస్తున్నారు. ఇళ్లకు వెళ్లకుండా రోడ్ల మీదనే భోజనాలు చేస్తూ... తమ కర్తవ్యాన్ని నిర్వర్తిస్తున్నారు.

రోడ్ల మీదనే భోజనాలు చేస్తున్న పోలీసులు

ఎండలు తీవ్రంగా ఉండటంతో తాగునీరుకు ఇబ్బంది లేకుండా..అధికారులు పోలీసులకు నీరు అందిస్తున్నారు. ఇంత కష్టపడుతున్న పోలీసులకు ప్రజలు ఇళ్ల నుంచి బయటకు రాకుండా ఉండి వారి రుణం తీర్చుకుందాం.

ఎండతీవ్రతతో పాటు దాహం కూడా ఎక్కువే..

ఇవీచూడండి:కరోనాపై పోరుకు కేంద్రం భారీ ప్యాకేజీ సిద్ధం