అర్ధరాత్రి సంచరిస్తున్న ఎలుగుబంటి... భయాందోళనలో స్థానికులు

వ్యవసాయ పనులు ముగించుకుని ఇంటికి వచ్చిన రైతు... కుక్కలు మొరుగుతున్నాయని వీధిలోకి చూశాడు. అదే సమయంలో సంచరిస్తున్న ఎలుగుబంటిని చూసి భయబ్రాంతులకు గురయ్యాడు. ఈ ఘటన కరీంనగర్​ జిల్లాలోని కొండాయపల్లిలో చోటు చేసుకుంది.

కరీంనగర్​ జిల్లా గంగాధర మండలంలోని కొండాయపల్లిలో ఎలుగుబంటి సంచరిస్తున్నట్లు స్థానికులు గుర్తించారు. వ్యవసాయ పనులు ముగించుకుని ఇంటికి వెళ్లిన రైతు... కుక్కలు మొరగటంతో వీధిలోకి వచ్చాడు. అదే సమయంలో వీధిలో ఎలుగుబంటి సంచరించటంతో భయబ్రాంతులకు గురై... సెల్​ఫోన్​లో చిత్రించాడు.

ఎండలు తీవ్రం కావడంతో నీటి వనరులు లేక ఎలుగు గ్రామంలోకి ప్రవేశించినట్లు స్థానికులు భావిస్తున్నారు. రాత్రి వేళ ఎలుగుబంటి సంచరించి... భయంతోనో, ఆకలితోనే దాడి చేసే ప్రమాదం ఉందని గ్రామస్థులు ఆందోళన చెందుతున్నారు. అధికారులు పరిష్కారం చూపాలని కోరారు.

ఇదీ చూడండి:'ఎవర్​ గివెన్​'కు ఎందుకు అలా జరిగింది?