'పథకాల అమల్లో కరీంనగర్​ జిల్లా మొదటి స్థానంలో ఉండాలి'

రాష్ట్ర ప్రభుత్వం ప్రవేశపెట్టిన అన్ని పథకాల అమల్లో జిల్లాను మొదటి స్థానంలో నిలపడానికి అధికారులు కృషి చేయాలని కరీంనగర్​ జిల్లా కలెక్టర్​ శశాంక ఆదేశించారు. నూతనంగా కరీంనగర్​ జిల్లా పాలనాధికారిగా బాధ్యతలు స్వీకరించారు.

కరీంనగర్​ జిల్లా కలెక్టర్​గా బాధ్యతలు స్వీకరించిన శశాంక.. అధికారులతో సమావేశమై ప్రభుత్వ పథకాల అమలు గురించి తెలుసుకున్నారు.

జిల్లాలో వరిధాన్యం సేకరణ, పత్తి కొనుగోళ్లు, రంజాన్​ పండుగ దుస్తుల పంపిణీ, వన్​స్టాఫ్​ సెంటర్​ పనితీరుపై కలెక్టర్​ శశాంక ఆరా తీశారు. అధికారులు ప్రభుత్వ పథకాల అమలుకు కృషి చేయాలని సూచించారు.

అన్ని శాఖల అధికారులు.. తమ పరిధిలో అమలవుతున్న సంక్షేమ అభివృద్ధి పథకాల సమగ్ర నివేదికలు తయారు చేసి సిద్ధంగా ఉండాలని శశాంక ఆదేశించారు.

• ఇదీ చూడండి : ఆహార భద్రత అధికారుల ఆకస్మిక తనిఖీలు