డిసెంబర్​ 30న కరీంనగర్​ ఐటీ టవర్​ ప్రారంభం

ఈ నెల 30న కరీంనగర్​లో ఐటీ టవర్​ను ప్రారంభించనున్నట్లు మంత్రి గంగుల కమలాకర్​ ప్రకటించారు. తుదిదశలో ఉన్న నిర్మాణ పనులను అధికారులతో కలిసి పర్యవేక్షించిన మంత్రి... ఇప్పటికే పలు కంపెనీలతో ఎంవోయూలు పూర్తయ్యాయని తెలిపారు.

కరీంనగర్ ఐటీ టవర్ ప్రారంభానికి సిద్ధంగా ఉందని బీసీ సంక్షేమశాఖ మంత్రి గంగుల కమలాకర్‌ తెలిపారు. ఈ నెల 30న మంత్రి కేటీఆర్ ప్రారంభించనున్నట్లు తెలిపారు. ఈ మేరకు తుది నిర్మాణ పనులను... అధికారులతో కలిసి పరిశీలించారు.ఐటీ అధికారులు, కాంట్రాక్టర్లకు పలు సూచనలు చేశారు.

దాదాపు 3000 మంది యువతకు... ఐటీ టవర్​లో ఉపాధి లభించే అవకాశం ఉందని మంత్రి స్పష్టం చేశారు. అభివృద్ధి వికేంద్రీకరణ జరగాలనే ఉద్దేశంతో... సీఎం కేసీఆర్ కరీంనగర్​కి ఐటీ టవర్ కేటాయించారని మంత్రి గంగుల పేర్కొన్నారు. ఇప్పటికే 11 కంపెనీలతో ఎంవోయూలు పూర్తికాగా... మరిన్ని కంపెనీలు ఉత్సాహం చూపెడుతున్నారన్నారు మంత్రి గంగుల.

ఇవీ చూడండి:తాగుడికి బానిసై... భార్యను కడతేర్చిన భర్త