Karimnagar Doctors Dance: జనాలపై సినిమాల ప్రభావం చాలా గట్టిగా ఉంది. అంతే కాదండోయ్... అందులో ఉండే పాటలు, డైలాగులు ఇలా.. ప్రజలపై ప్రభావాన్ని చూపుతున్నాయి. సినిమాలే కాకుండా జానపద పాటలు కూడా ఈ మధ్య జనంలోకి బాగా చొచ్చుకెళ్తున్నాయి. ఈ మధ్య సంచలనం సృష్టించిన నీ బుల్లెట్టు బండిక్కె వచ్చేత్తపా.. అనే పాట.. ఇటీవల నూతన దంపతులను విశేషంగా ఆకట్టుకుంది. వివాహ వేడుకల్లో వధూవరులు బుల్లెట్టు బండి పాటకు ఆడిపాడారు. ఆ వీడియో వైరల్ అవడం క్షణాల్లో జరిగిపోయింది. ఎక్కడ చూసినా ఆ పాటే.
అయితే ట్రెండ్‌కు తగ్గట్లుగా మారడం అలవాటు చేసుకున్నారు ప్రజలు. తాజాగా రిలీజైన పుష్ప సినిమా బాక్సాఫీస్‌ వద్ద మంచి టాక్ తెచ్చుకుంది. అందులో ఉన్న డైలాగులు, పాటలు జనాల్ని విపరీతంగా ఆకట్టుకుంటున్నాయి. ఆ సినిమాలోని సామీ.. సామీ.. పాటకు ప్రజలు ఫిదా అవుతున్నారు. కరీంనగర్‌లో ఓ ఆసుపత్రి వార్షికోత్సవంలో వైద్య దంపతులు చేసిన డాన్స్ ఆకట్టుకుంటోంది. డాక్టర్ బంగారి స్వామి, రజని ప్రియదర్శిని వేసిన స్టెప్పులు సామాజిక మాధ్యమాల్లో వైరల్‌గా మారాయి.