'సంక్షేమ పథకాల అమలులో అగ్రగామిగా తెలంగాణ'

కరీంనగర్​ జిల్లా చొప్పదండిలో 53 మంది కల్యాణ లక్ష్మి లబ్ధిదారులకు ఎమ్మెల్యే సుంకె రవిశంకర్​ చెక్కులను అందజేశారు. కరోనా సంక్షోభ సమయంలోనూ ముఖ్యమంత్రి కేసీఆర్​ సంక్షేమ పథకాల అమలుకే ప్రాధాన్యత ఇచ్చారని ఎమ్మెల్యే పేర్కొన్నారు.

కరీంనగర్ జిల్లా చొప్పదండిలో ఎమ్మెల్యే సుంకె రవిశంకర్.. 53 మంది కల్యాణలక్ష్మి లబ్ధిదారులకు రూ. 53 లక్షల 6వేల 148 విలువ చేసే చెక్కులను అందజేశారు. ఎమ్మెల్యే క్యాంపు కార్యాలయంలో ఈ కార్యక్రమం చేపట్టారు. ఆడపిల్లల తల్లిదండ్రులకు పెళ్లి ఖర్చు భారం కాకూడదనే ఉద్దేశంతో ముఖ్యమంత్రి కేసీఆర్​ ఈ పథకాన్ని ప్రవేశపెట్టారని ఎమ్మెల్యే పేర్కొన్నారు. ఈ పథకం ద్వారా బాల్య వివాహాలు నిలిచి పోయాయని వెల్లడించారు.

కరోనా సంక్షోభ సమయంలోనూ సంక్షేమ పథకాల అమలుకే సీఎం ప్రాధాన్యత ఇచ్చారని రవిశంకర్​ గుర్తు చేశారు. దేశ వ్యాప్తంగా పథకాల అమలులో తెలంగాణ అగ్రగామిగా నిలుస్తోందని ఆయన పేర్కొన్నారు.

ఇదీ చదవండి:లక్ష్యసాధనలో ప్రభుత్వంతో కలిసి పని చేస్తున్నాం : నాబార్డ్ చీఫ్