వాగేశ్వరి కళాశాలలో జూడో క్రీడాకారుల ఎంపిక పోటీలు

జేఎన్​టీయూహెచ్​ పరిధిలోని ఇంజినీరింగ్ కళాశాలలకు చెందిన విద్యార్థులకు జూడో పోటీలు నిర్వహించారు. ఉత్తమ ప్రతిభ కనబరిచిన వారిని రాష్ట్రస్థాయి జట్టుకు ఎంపిక చేయనున్నట్లు నిర్వాహకులు తెలిపారు.

కరీంనగర్ జిల్లా తిమ్మాపూర్​లోని వాగేశ్వరి ఇంజినీరింగ్ కళాశాలలో జేఎన్​టీయూహెచ్ స్థాయి జూడో పోటీలు నిర్వహించారు. సంస్థ కార్యదర్శి దిలీప్ ముఖ్యఅతిథిగా హాజరై పోటీలను ప్రారంభించారు. రాష్ట్రవ్యాప్తంగా జేఎన్​టీయూహెచ్​ పరిధిలో ఉన్న అన్ని కళాశాలల్లో ఎంపిక పోటీలు నిర్వహిస్తున్నట్లు తెలిపారు. ఉత్తమ ప్రతిభ కనబరిచిన వారితో రాష్ట్రస్థాయి జట్టు తయారుచేసి... కాన్పూర్​లోని బరేలీ యూనివర్సిటీలో జరిగే జాతీయ స్థాయి పోటీలకు పంపించనున్నట్లు తెలిపారు.

ఇదీ చూడండి: రోడ్డెక్కిన చేపలు.. స్తంభించిన రాకపోకలు