స్వచ్ఛ్ సర్వేక్షణ్​లో కరీంనగర్​కు 72వ స్థానంపై గంగుల ఆనందం

స్వచ్ఛ్​ సర్వేక్షణ్​లో భాగంగా కేంద్ర ప్రభుత్వం ర్యాంకులు ప్రకటించగా కరీంనగర్​ కార్పొరేషన్​ దేశవ్యాప్తంగా 72వ స్థానాన్ని కైవసం చేసుకోవడం పట్ల మంత్రి గంగుల కమలాకర్​ సంతోషం వ్యక్తం చేశారు. సీఎం కేసీఆర్, మంత్రి కేటీఆర్​ పని తీరుతోనే అభివృద్ధి సాధ్యమైందని ఆయన పేర్కొన్నారు.

స్వచ్ఛ్​ సర్వేక్షణ్​లో కరీంనగర్​ కార్పొరేషన్​ దేశవ్యాప్తంగా 72వ స్థానాన్ని కైవసం చేసుకోవడం ఆనందంగా ఉందని మంత్రి గంగుల కమలాకర్​ అన్నారు. కేంద్ర ప్రభుత్వం ర్యాంకులు ప్రకటించిన సందర్భంగా నగరపాలక సంస్థ కార్యాలయంలో మంత్రి గంగుల కమలాకర్​, మేయర్​ సునీల్​రావు, కమిషనర్ క్రాంతిలకు మిఠాయిలు తినిపించారు.

లక్ష నుంచి 10 లక్షల జనాభా ఉన్న కేటగిరీలో కరీంనగర్​ నగరం దేశవ్యాప్తంగా మొదటి స్థానంలో నిలిచిందని సంతోషం వ్యక్తం చేశారు. ముఖ్యమంత్రి కేసీఆర్, పురపాలక శాఖ మంత్రి కేటీఆర్​ పని తీరుకు నిదర్శనమే ఈ ర్యాంకు అని గంగుల పేర్కొన్నారు. ఏటా రాష్ట్ర ప్రభుత్వం కరీంనగర్​కు రూ. 100 కోట్లు కేటాయిస్తుండగా.. నగరంలోని రోడ్లు, మురికి కాలువలతో పాటు పారిశుద్ధ్యం మెరుగుపడిందని మంత్రి తెలిపారు.

ఇదీ చదవండి:కేంద్ర జల్​ శక్తి మంత్రికి కరోనా పాజిటివ్