ఇంజిన్​లో మంటలు.. పూర్తిగా దగ్ధమై లారీ..

గ్రానైట్ రాళ్లతో వెళ్తున్న ఓ లారీలో ప్రమాదవశాత్తు నిప్పురవ్వలు చెలరేగి పూర్తిగా కాలిపోయింది. ఈ ఘటన కరీంనగర్ జిల్లా గట్టు దుద్దెనపల్లిలో చోటుచేసుకుంది.

కరీంనగర్ జిల్లా మానకొండూరు మండలంలోని గట్టు దుద్దెనపల్లిలో గ్రానైట్ బండరాళ్లతో వెళ్తున్న ఓ లారీ అగ్నిప్రమాదానికి గురైంది. ప్రమాదవశాత్తు లారీ ఇంజిన్​లో మంటలు చెలరేగాయి. అప్రమత్తమైన డ్రైవర్ మంటలు ఆర్పేందుకు ప్రయత్నించినప్పటికీ... ఫలితం దక్కలేదు. పెద్ద ఎత్తున మంటలు ఎగిసిపడ్డాయి.

చేసేదేం లేక డ్రైవర్ ప్రాణాలు కాపాడుకునేందుకు లారీలోంచి బయటకు దూకేశాడు. అప్పటికే మంటలు చెలరేగి లారీ మొత్తం వ్యాపించాయి. ఈ ఘటనలో లారీ ఆనవాలు లేకుండా పూర్తిగా కాలి బూడిదయింది. సమాచారం అందుకున్న పోలీసులు ఘటనా స్థలానికి చేరుకొని కేసు నమోదు చేశారు.

ఇవీ చూడండి:'అప్రమత్తంగానే ఉన్నాం.. ఆందోళన చెందకండి'