తడిచిన ధాన్యం... అన్నదాత ఆందోళన

కరీంనగర్​ జిల్లా గంగాధర మండలంలోని మార్కెట్​ యార్డులో నిల్వచేసిన ధాన్యం అకాల వర్షాలకు తడిచిపోయింది. మిల్లర్లు ధాన్యాన్ని తీసుకెళ్లే వరకు రైతులదే బాధ్యత కావడం వారి ఆందోళనకు కారణమైంది.

కరీంనగర్​ జిల్లా గంగాధర మండలంలో అకాల వర్షాలకు వ్యవసాయ మార్కెట్​లోని తూకం వేసిన ధాన్యం తడిసిపోయింది. యాసంగిలో గంగాధర మండలంలో లక్ష 44 వేల క్వింటాల ధాన్యాన్ని కొనుగోలు చేశారు. తూకం వేసిన అనంతరం రవాణ చేసేందుకు లారీలు అందుబాటులో లేకపోవడం వల్ల మార్కెట్​ యార్డులోనే ధాన్యం నిల్వచేశారు. టార్ఫాలిన్లు వినియోగించపోవడం వల్ల ఇటీవల కురిసిన వర్షాలకు ధాన్యం తడిచిపోయాయి. మిల్లర్లు ధాన్యాన్ని తీసుకెళ్లే వరకు రైతులదే బాధ్యత కావడం వల్ల చెల్లింపుల్లో కోత పడనుందని అన్నదాతలు ఆందోళన చెందుతున్నారు.

ఇవీ చూడండి: 'ఏంటయ్యా... వేసవి అయిపోయాక నీరిస్తారా?'