'ధాన్యం కోతపై అధికారులు స్పందించాలి'

కరీంనగర్ జిల్లా రామడుగులో తాలు పేరిట రైస్ మిల్లర్లు తిరస్కరిస్తున్నారని రైతులు ఆందోళన చేశారు. ఈ విషయంపై అధికారులు ఏమాత్రం స్పందించట్లేదని తెదేపా పార్లమెంట్​ నియోజకవర్గ ఇంఛార్జి అంబటి జోజి రెడ్డి నిరసన వ్యక్తం చేశారు.

యాసంగి పంట ధాన్యం కొనుగోలు కేంద్రాల్లో తాలు పేరిట కోత విధిస్తున్నారని కరీంనగర్​ జిల్లా రామడుగులో రైతులు ఆందోళన వ్యక్తం చేశారు. క్వింటాలుకు 5 కిలోల చొప్పున కోత విధిస్తుండటం వల్ల తీవ్రంగా నష్టపోతున్నామని ఆవేదనవ్యకం చేశారు.

మరోవైపు ధాన్యాన్ని రైస్​మిల్లర్లు తిరస్కరిస్తుండటం వల్ల తామూ ఏం చేయలేకపోతున్నామని ధాన్యం కొనుగోలు చేసే మహిళా సంఘాలు కూడా చేతులెత్తేశారు. దీనిపై అధికారులు కూడా స్పందించకపోవటం వల్ల రైతులు తీవ్రంగా నష్టపోతున్నారని తెదేపా నాయకులు నిరసన వ్యక్తం చేశారు.

ఇదీ చదవండి:కరోనాపై పోలీసుల ప్రాంక్​.. వీడియో వైరల్